Առնվազն 6 մարդ է զոհվել այսօր Մյունխենի հյուսիսում գտնվող «Օլիմպ» առևտրի կենտրոնում արձակված կրակոցներից:
Ինչպես հայտնում է lenta.ru-ն, հղում անելով Մյունխենի ոստիկանությանը, հարձակվողները երեքն են եղել, որոնք կրակելուց հետո վազել են դեպի մետրոյի մոտակա կայարանը: Կրակողներից ոչ մեկին դեռևս չի հաջողվել բռնել:
Իշխանությունները տեղի ունեցածը որպես «ահաբեկչական հարձակում» են որակել:
Թաղամասի բնակիչներին խնդրվել է դուրս չգալ փողոց, առևտրի կենտրոնի այցելուները տարհանվել են: