panorama.am-ը գրում է. Քիչ առաջ Սարի թաղում վիրավորվել են «Առաջին լրատվական»-ի ուղիղ եթերում աշխատող թիմի լրագրողուհի Մարիամ Գրիգորյանն ու օպերատոր Դավիթ Հարությունյանը:

Սարի թաղում ոստիկանության և հասարակության բախումները լուսաբանելիս պայթուցիկի պայթյունից ոտքի թաթի վիրավորում է ստացել «Առաջին լրատվական»-ի լրագրող Մարիամ Գրիգորյանը: Դավիթ Հարությունյանին ոստիկանները դաժան ծեծի են ենթարկել, ջարդել նրա տեսախցիկը, նա պայթուցիկի պայթյունից ստացել է ոտքի վնասվածք:

Սարի թաղում իրադարձությունները լուսաբանելու ժամանակ քաղաքացիական հագուստով անհայտ անձանց կողմից ծեծի են ենթարկվել «Արմենիա» հեռուստաընկերության «Ժամը» լրատվականի թղթակից Աղվան Ասոյանը և օպերատոր Ալբերտ Գալստյանը:

Անհայտ անձինք խլել են նաև տեսախցիկն ու միկրոֆոնը և կոտրել:

Տուժել են Ա1+-ի լրագրող Ռոբերտ Անանյանը, օպերատոր Տիգրան Բադալյանը: Նրանց իջեցրել են մեքենայից, թույլ չտալով աշխատել: Լրագրողը պայթուցիկից այրվածքներ է ստացել:

Ծեծի են ենթարկել «Ազատության» լրագրողներ Հովհաննես Մովսիիսյանին ու Կառլեն Ասլանյանին:

«Լայֆ.ռու»-ի  փոխանցմամբ, Երևանում տուժել է նաև իրենց օպերատորը: Նրա մոտ ուժեղ արյունահոսություն է սկսել:

Panorama.am-ի օպերատոր Հովիկ Գրիգորյանը տուժել է պայթուցիկից:

Հիշեցնենք՝  Սարի թաղում քաղաքացիական հագուստով մի խումբ  հարձակվել են քաղաքացիների, իրենց աշխատանքային պարտականությունները կատարող լրագրողների, օպերատորների վրա: Պոկել են  լրագրողների բեյջերը, կոտրել ծեծել լրագրողների:

Նախնական տվյալներով՝ լրագրողների ու քաղաքացիների ստացած վնասվածքները լուրջ են:

Նյութը՝ սկզբնաղբյուր կայքում