armtimes.com-ը գրում է. «Վնասվածքներ ստացած բազմաթիվ քաղաքացիներ կան՝ մոտ 40 մարդ, որից երեքը ոստիկանության  աշխատակիցներ, մյուսները՝ քաղաքացիներ են, մի մասը հավաքի մասնակիցներ, մեկ այլ մասը՝ հավաքի հետ որեւէ առնչություն չունեցող մարդիկ»,-այս մասին լրագրողների հետ զրույցում ասաց ԱԺ պատգամավոր Նիկոլ Փաշինյանը, ով «Գրիգոր Լուսավորիչ» բժշկական կենտրոնում է:

«Ամենածանր դեպքն իհարկե Գեղարքունիքի մարզի բնակիչ Սայաթ Հարությունյանի դեպքն է, ում աչքը հեռացրել են, տղան 16 տարեկան է, հայրը պատմեց, որ որդին Երեւան  է եկել ծննդյան կապակցությամբ հագուստ գնելու, օգոստոսի ութին լրանալու է 17-ամյակը, պայթյունից հետո ձախ աչքը սկսել է չտեսնել»,-ասաց Փաշինյանը:

Նյութը՝ սկզբնաղբյուր կայքում