«Այս ամենի մեջ ես նաև բեմադրություն եմ տեսնում, որոշ գործողություններ կան, որ իրավական դաշտի հետ կապ չունեն, բայց քաղաքական դաշտում էլ չեն տեղավորվում: Սա ինչ-որ պատվեր էր: Իմ կարծիքով` ապրիլյան դեպքերից հետո մեր տարածաշրջանի խաղացողները չէին հաշվարկել մեր ազգային ոգին, ու ինձ թվում է՝ սա ապրիլյան երևույթների հետևանք էր»,-լրագրողների հետ հանդիպման ժամանակ նման տեսակետ հայտնեց փաստաբան Լեռնիկ Հովհաննիսյանը:
Նրա խոսքով՝ բժիշկների կամ ոստիկանների պատանդ լինելու մասին խոսք լինել չի կարող.
«Տեսանք, որ բժիշկները, ովքեր գնդից դուրս էին եկել, ասացին, թե երբ քնած էին «Սասնա ծռեր»-ի տղաները, իրենք դուրս եկան: Սա ի՞նչ է նշանակում: Այսինքն, կամ տղաները նրանց շատ են վստահել, կամ էլ եթե այդպես է ու հեշտությամբ մարդիկ կարող էին գնդի տարածքից դուրս գալ, նշանակում է՝ ոստիկանությունն էլ հեշտությամբ կարող էր մտնել: Մի քիչ ֆանտազիան շատ է»:
