«Սասնա ծռեր» խմբի անդամներին սնունդ հասցրած 50-ամյա Արթուր Սարգսյանի մեղադրանքը վերաորակվել է:
Այս տեղեկությունը հայտնել է Սարգսյանի պաշտպան Արայիկ Պապիկյանը: Նա ասել է, որ Արթուր Սարգսյանն այժմ մեղադրվում է «Սասնա ծռերին» օժանդակելու մեջ:
Հիշեցնենք, որ նախաքննական մարմինը Արթուր Սարգսյանին նույն մեղադրանքներն էր առաջադրել, ինչ զինված խմբի մյուս անդամներն՝ ՀՀ ՔՕ 218 հոդվածի (պատանդ վերցնելը) եւ 235 հոդվածի հատկանիշներով (ապօրինի զենք-զինամթերք պահելը, կամ փոխադրելը): Առաջադրված մեղադրանքը Արթուր Սարգսյանը չի ընդունել:
