Մոսկվա-Երևան երթուղին իրականացնող ուղևորատար ավտոբուսը Հյուսիսային Օսիայում մայրուղու վրա բախվել է բեռնատարին. զոհվել է 5 մարդ, վնասվածքներ ստացել 25-ը:
Այս մասին հաղորդում է lenta.ru-ն՝ հավելելով, որ ողբերգական ելքով ավտովթարը տեղի է ունեցել հոկտեմբերի 14-ին՝ ժամը 04:30-ին:
Հյուսիսային Օսիայի արտակարգ իրավիճակների նախարարության կայքում զետեղված հաղորդագրությունում նշվում է, որ Mercedes մակնիշի ավտոբուսում եղել է 52 հոգի:
«Ըստ նախնական տվյալների՝ 4 մարդ մահացել է դեպքի վայրում»,-այս մասին էլ նշվում է ներքին գործերի նախարարության տարածած հաղորդագրությունում:
