Զոհված զինծառայողների ընտանիքները եւ վիրավորված զինծառայողները կստանան ապահովագրավճարներ: Կառավարությունն այսօր ընդունեց Պաշտպանության նախարարության առաջարկած օրենքի նախագիծը:
Վիգեն Սարգսյանըի խոսքով այս նպատակով պետք է ստեղծվի հիմնադրամ, որի կողմից հատուցումներ վճարելու համար անհրաժեշտ դրամական միջոցները կձևավորվեն յուրաքանչյուր աշխատող ֆիզիկական անձի կողմից ամսական 1000 դրամ գումարի չափով վճարվող դրոշմանիշային վճարներից:
Կառավարության նիստից հետո, այս հարցին անդրադարձավ աշխատանքի եւ սոցիալական հարցերի նախարար Արտեմ Ասատրյանը:
Հարցին՝ արդյո՞ք քաղաքացիների վրա ավելորդ բեռ չի դառնում պարտադիր 1000-ական դրամների վճարումը նախարարը պատասխանեց. «Նվազագույն աշխատավարձ ստացողների դեպքում այդ բեռը քաղաքացու վրա չի ընկնի, իսկ մնացածը պետք է վճարեն 1000 դրամի չափով»:
