Սյունիքի մարզի Կապան քաղաքում երեկ ծննդկան է մահացել:
Asekose.am-ի հետ զրույցում այս տեղեկությունը հաստատեցին Կապանի բժշկական կենտրոնից: Ըստ նախնական տեղեկությունների` 26-ամյա կինը բնական ճանապարհով է երեխային ունեցել, բայց նա արդեն մահացած է եղել: Ծննդաբերությունից մոտ 30 րոպե անց կնոջ մոտ արյունահոսություն է սկսվել, որը բժիշկներին չի հաջողվել դադարեցնել:
Հավելենք, որ մահացած ծննդկանը 26 տարեկան էր և սպասում էր իր առաջնեկին: