▲ Դեպի վեր

lang.iso lang.iso lang.iso

Արմեն Աշոտյանը Նիկոլ Փաշինյանին հորդորեց ներողություն խնդրել տնօրեններից

Հայաստանի Հանրապետական կուսակցության փոխնախագահ Արմեն Աշոտյանը նախընտրական քարոզարշավը դրական է գնահատում: Այսօր լրագրողների հետ հանդիպման ժամանակ ՀՀԿ փոխնախագահը նշեց.

«Մրցակցային քարոզարշավ է ընթանում երկրում: Ընտրարշավը հիմնականում հանգիստ է անցնում, ուրախ եմ, որ բոլոր կողմերին հաջողվում է զերծ մնալ ծայրահեղական կողմնորոշումներից, ու հասարակության բևեռացման գործընթաց այս ընթացքում չի եղել»,- այսօր լրագրողների հետ հանդիպման ժամանակ նշեց ՀՀԿ փոխնախագահը:

Նա կոչ արեց «Ելք» դաշինքի անդամ, պատգամավոր Նիկոլ Փաշինյանին ներողություն խնդրել այն մարդկանցից, որոնց Փաշինյանը երեկ պոռնիկ է անվանել:

«Կարծում եմ՝ Նիկոլն ունի այն խիզախությունը, որ ներողություն խնդրի երեկվա իր պիտակավորման համար, այդ կանայք իր մոր կամ կնոջ տարիքին են: Եթե նա էլ չանի, կհորդորեմ «Ելքի» մյուս անդամներին՝ դա անել իր փոխարեն»

Հիշեցնենք, որ ԱԺ պատգամավոր, «Ելք» դաշինքի անդամ Նիկոլ Փաշինյանն Արարատում ունեցած իր ելույթում անդրադարձել է նաև դպրոցների ու մանկապարտեզների տնօրենների կողմից ցուցակների հավաքագրման աղմկահարույց պատմությանը նշելով՝

«Մենք ասում ենք՝ հայոց դպրոցը պետք է արմատախիլ անենք քաղաքական պոռնիկներից»:

Կարդացեք նաև՝ Երևանյան լճի կողքը կանգնող պոռնիկների գործողության մասին ի՞նչ կասեք...Փաշինյանի հարցը՝ ՀՀԿ-ին


Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին