Շարունակում է լարված մնալ իրադրությունը Ավանի Հանրապետական նախընտրական շտաբներից մեկում, որտեղ մտել էր Զարուհի Փոստանջյանը և հայտարարում էր, որ կեղծ փաստաթղթեր կան, և որ ընտրակաշառք է բաժանվում:
Ոստիկանները, Նոր Նորքի բաժանմունքի պետի գլխավորությամբ, փորձում էին ահազանգի հետքերով տեղի զննություն անցկացնել, որը սկսելուց առաջ սենյակում գտնվող Զարուհի Փոստանջյանը ցանկացել է բացել սեղաններից մեկի դարակներն, որտեղ, ըստ նրա գտնվում էին ընտրակաշառքին վերաբերող փաստեր:
Ոստիկանության տարածքային բաժնի պետը հրահանգել է բերման ենթարկել իրենց գործողություններին խանգարող Զարուհի Փոստանջյանին և երկու ոստիկան փորձում էին ԱԺ պատգամավորին, ով նաև Երևանի քաղաքապետի թեկնածու է, նստեցնել ոստիկանական ավտոմեքենա:
Զարուհի Փոստանջյանն ընդդիմացել է և բղավել, որից հետո ոստիկանները նրան բաց են թողել:
Ըստ որոշ տեղեկությունների, որոնք ներկայացնում էին Զարուհի Փոստանջյանի կուսակիցները, ոստիկանները սակայն բերման են ենթարկել նրա դստերը, ով նույնպես գտնվում էր տարածքում ու նկարահանումներ էր կատարում: