Կառավարության այսօրվա նիստի օրակարգին անցնելուց առաջ վարչապետ Կարեն Կարապետյանը շնորհավորեց արդարադատության նոր նախարար Դավիթ Հարությունյանին՝ ցանկանալով նրան արդյունավետ աշխատանք:
«Վստահ եմ, որ Ձեզ մոտ ամեն ինչ ստացվելու է: Ձեզ վրա շատ մեծ բեռ և միսիա ունեք»,- ասաց վարչապետը:
Հիշեցնենք, որ Դավիթ Հարությունյանը կառավարության աշխատակազմի ղեկավար-նախարարն էր: Արդարադատության նախարարի պաշտոնում նա փոխարինեց Արփինե Հովհաննիսյանին, ով դարձավ ԱԺ պատգամավոր, ԱԺ փոխնախագահ:
