▲ Դեպի վեր

ՎԵՐՋԻՆ ԼՈւՐԵՐԸ

Մեկնարկել է Փաշինյանի հրավիրած երթը դեպի Ծիծեռնակաբերդ. Ուղիղ միացում

Լուիզա Ղամբարյանը՝ պայքարին չմիանալու և այդ ամենը սխալ համարելու պատճառով քննադատվելու մասին

Խճճված, նյարդային, ինչպես ապրել. Արսինե Նավասարդյանը՝ իր կյանքի բարդ շրջանների մասին

Ես Սերժ Սարգսյանի թիմի անդամ չեմ, ես Երկրապահի նախագահ եմ, եթե չգիտես՝ ծանոթանանք...

Կարեն Կարապետյանն այցելել է Սամվել Ալեքսանյանին պատկանող ընկերություն



2017-06-19 17:51:13

Վարչապետ Կարեն Կարապետյանն այցելել է «Ալեքս տեքստիլ» ընկերության մանկական հագուստի նորաբաց արտադրամաս: Կառավարության ղեկավարը շրջել է արտադրամասով, ծանոթացել արտադրական հզորություններին և ընկերության առաջիկա ծրագրերին: Տեղեկացվել է, որ մանկական հագուստի արտադրանքի ամբողջ խմբաքանակն արտահանվում է Ռուսաստան՝ հայտնի «Детский Мир» խանութների ցանցի պատվերով: 2017 թվականի հունվարից բացված արտադրամասում աշխատում է 350 մարդ: «Ալեքս տեքստիլ»-ը նախատեսում է առաջիկա մեկ տարվա ընթացքում հիմնել հինգ նոր արտադրամաս՝ ստեղծելով 7 հազար 5 հարյուր նոր աշխատատեղ: 
Այնուհետև վարչապետը եղել է տեքստիլի արտադրությամբ զբաղվող «Հելլո» ընկերությունում, որն արտադրում է «Հելլո բժշկական», «Յու ընդ Մի» և «Արտսոքս» ապրանքանիշի տրիկոտաժե ապրանքներ: Ընկերության արտադրանքի մի մասն իրացվում է ներքին շուկայում, իսկ մնացածն արտահանվում Վրաստան, Ռուսաստան և Մեծ Բրիտանիա: Ընկերությունում աշխատում է 100 մարդ: «Հելլո»-ն նախատեսում է նոր ներդրումների արդյունքում աշխատատեղերի թիվն առաջիկա տարվա ընթացքում կրկնապատկել: 
Վարչապետը կարևորել է Հայաստանում տեքստիլի արտադրության զարգացումն ու ընդլայնումը և նշել, որ դրա համար առկա է մեծ ներուժ: Կարեն Կարապետյանն ընկերությունների ղեկավարների հետ քննարկել է առաջիկա ներդրումային ծրագրերին, արտադրությունների ընդլայնմանը և կառավարության աջակցության մեխանիզմներին վերաբերող մի շարք հարցեր: 
 

Հիշեցնենք, որ «Ալեքս տեքստիլ» ընկերությունը պատկանում է ԱԺ պատգամավոր Սամվել Ալեքսանյանին:

Չնայած վերջինս իր հարցազրույցներում անընդհատ կրկնում է, թե ինքը բիզնես չունի և գործարարությամբ չի զբաղվում, սակայն այսօր «Ալեքս տեքստիլ»-ում անձամբ է դիմավորել Կարեն Կարապետյանին ու նրա հետ շրջել արտադրամասերով: 







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.