Այսօր՝ Սասնա ծռերի դատական նիստի մեկնարկից առաջ, լարված իրավիճակ է տիրում, քանի որ միջադեպ տեղի ունեցավ ոստիկանների և Սասնա ծռերի գործով ամբաստանյալների միջև։
Ոստիկանները դահլիճից ուժի գործադրմամբ հեռացրին Սմբատ Բարսեղյանին, Արեգ Կյուրեղյանին, Սեդրակ Նազարյանին։ Այս պահին բոլոր ամբաստանյալները ցանկանում են հեռանալ, բայց ինչն է պատճառը՝ պարզ չէ: Լարված իրավիճակը տարածվել էր նաև հարազատների շրջանում:
Մի փոքր անց Արա Ղարագյոզյանը լրագրողներին տեղեկացրեց, թե ինչն է ղել վիճաբանության պատճառը.
«Վիճաբանությունը սկսվել է այն բանից հետո, երբ իմ պաշտպանյալն ինձ ցանկացել է թուղթ փոխանցել։ Ուղեկցող գումարտակի աշխատակիցը վերցրել է թուղթն ու պատռել, ինչից հետո էլ առաջացելէ քաշքշուկը: Այնուհետև Արեգ Կյուրեղյանին տանելուց հետո ծեծի ձայներ են լսվել։ Այս պահին Արեգ Կյուրեղյանը դատարանի դահլիճում չէ, դատական նիստը դեռևս սկսված չէ »։