ԱՄՆ-ի Լոս-Անջելես քաղաքում զավեշտալի դեպք է տեղի ունեցել: 54-ամյա հայ կինը հայկական սովորությունների համաձայն բուրդ է «չփխել» բակում:
Օտարազգի հարևանները մտածել են, որ կինը գժվել է և ահազանգել են շտապ օգնություն: Դեպքի վայր ժամանած բժիշկները կնոջը տեղափոխել են հոգեբուժարան:
Կնոջ որդին, տեղեկանալով դեպքի մասին, շտապել է հոգեբուժարան, որտեղ բժիշկներին բացատրել է իրավիճակը, նշելով, որ դա սովորական առօրյա է մեր երկրում, ինչից հետո մորը տուն է տարել:
Այս մասին տեղեկացրել է Վազգեն Զոհրաբյանը՝ ֆեյսբուքյան իր էջում:
Ավելի ուշ գրող Վիոլետ Գրիգորյանը ֆեյսբուքյան իր էջում այս առիթով գրել է.
Լոս Անջելեսում ոչ մի հայ կին չեն ձերբակալել բուրդ չբխելու համար, հատուկ նայեցի լոսանջելեսյան լուրերը, էդ ուղղակի կոչվում ա հայաստանյան ամառային լրագրություն, որ տարբեր անեկդոտներ որպես նորություն տարածում ա մամուլով ու սոցցանցերով մեկ, որպեսզի արձակուրդի չգնացած թշվառներս մխիթարվենք...