Այսօր՝ սեպտեմբերի 25-ին, արտակարգ դեպք է տեղի ունեցել Կոտայքի մարզում:
Աբովյան քաղաքում գործող «Սամ–Հար» ՍՊԸ-ին պատկանող պահածոների արտադրամասում փլուզում է տեղի ունեցել, ինչի հետևանքով 2 հոգի մարմնական վնասվածքներով տեղափոխվել են Աբովյանի բժշկական կենտրոն:
Asekose.am-ի հետ զրույցում Աբովյանի բժշկական կենտրոնից տեղեկացրին, որ տուժածներից մեկի վիճակը բավարար, իսկ մյուսը ծանր վիճակում է.
«Տուժածներից տղամարդը, ում վիճակը գնահատվում է ծանր, տեղափոխվել է Երևան՝ «Աստղիկ» բժշկական կենտրոն: Մյուս տուժածը գտնվում է մեզ մոտ, նրա վիճակը բավարար է»:
Թե ի՞նչն է եղել փլուզման իրական պատճառը, դեռևս անհայտ է: