Ռուսական լրատվամիջոցները հայտնում են, որ Մոսկվայում սպանվել է Վորոնեժի մարզի Հանրային պալատի անդամ, «Անի» քրիստոնեա-մշակութային ՀԿ նախագահ, հայ գործարար Արսեն Փափազյանը։
Ենթադրվում է, որ 15:30-ի սահմաններում գործարարի վրա կրակել է քիլլերը: Նրա արձակած գնդակները դիպել են Փափազյանի կրծքավանդակին՝ ձախ եւ աջ կողմերից՝ վնասելով թոքը: Մեկ այլ աղբյուր հայտնում է, որ Փափազյանի վրա 4 անգամ են կրակել։
Արսեն Փափազյանը ակտիվորեն ներգրավված էր հայկական սփյուռքի կյանքում: Նա երեւանցի էր, գրանցված էր Օդեսայում եւ գլխավորում էր «ԱՍՊ-Տրանսստրոյը»։ Գործարարին պատկանող ընկերությունը զբաղվում է ճանապարհների, կամուրջների վերանորոգմամբ։