ՀՀ ԱՆ «Վարդաշեն» քրեակատարողական հիմնարկի պետ Հովհաննես Հակոբջանյանն ազատվել է զբաղեցրած պաշտոնից։ Այս մասին հայտնել է ՀՀ ԱՆ ՔԿՎ լրատվական ծառայությունը: Նշվում է, որ ազատումը եղել է սեփական դիմումի համաձայն։
Հիշեցնենք, որ որոշ ժամանակ առաջ մամուլում լուրերն էին շրջանառվում, որ արդարադատության նախարար Դավիթ Հարությունյանը ցանկանում է պաշտոնանկ անել «Վարդաշեն» ՔԿՀ-ի պետ Հովհաննես Հակոբջանյանին և փոխարենը նշանակել Դավիթ Զաքարյանին, որը 2009-2010 թթ. զբաղեցրել է նույն այդ պաշտոնը և ժամանակին հայտնվել է աղմկահարույց պատմության կիզակետում: