▲ Դեպի վեր

lang.iso lang.iso lang.iso

Փաշինյանը պատռեց Ոստիկանության ծանուցումը

Այսօր առավոտյան Ֆրանսիայի հրապարակում Երևանի փոխոստիկանապետ Վալերի Օսիպյանը մոտեցավ ընդդեմ Հայաստանի երրորդ նախագահ Սերժ Սարգսյանի վարչապետության բողոքի ակցիաները գլխավորող Ազգային ժողովի «Ելք» խմբակցության ղեկավար, «Քաղաքացիական պայմանագիր» կուսակցության առաջնորդ Նիկոլ Փաշինյանին և նրան փոխանցեց հավաքը դադարեցնելու՝ Ոստիկանության նախօրեին կայացրած որոշման ծանուցումը:Փաշինյանը պատռեց Ոստիկանության ծանուցումը և դեն նետեց դրա կտորները: Քիչ անց ցուցարարները՝ Փաշինյանի գլխավորությամբ, փակեցին Աբովյան փողոցը: Ընդդիմադիր գործիչը նաև բոլոր քաղաքացիներին կոչ արեց դուրս գալ փողոցներ, փակել դրանք, մտնել պետական գերատեսչությունների շենքեր և նստացույց սկսել այդ շենքերում՝ առանց ոստիկանների նկատմամբ բռնություն գործադրելու:

Հիշեցնենք, ավելի վաղ Ոստիկանությունը հաղորդագրություն էր տարածել «ուղղված Նիկոլ Փաշինյանին»։ Հաղորագրությունում մասնավորապես ասված է. - «Բաղրամյան պողոտայում Ձեր կողմից ղեկավարվող հավաքի մասնակիցների բռնի գործողությունների արդյունքում կոպտորեն խախտված է հասարակական կարգը: Ոստիկանության բոլոր նախազգուշացումները, պահանջները և սահմանափակիչ այլ գործողություններն այլևս անարդյունավետ են, ուստի ղեկավարվելով «Հավաքների ազատության մասին» ՀՀ օրենքի 33-րդ հոդվածով՝ ոստիկանությունը Ձեզանից պահանջում է դադարեցնել հավաքը: Հավաքի վայրում Ձեր բացակայության կամ Ձեր կողմից ոստիկանության պահանջը չկատարելու դեպքում սահմանված ողջամիտ ժամկետի ավարտից հետո Ոստիկանությունը կցրի հավաքը՝ կիրառելով ուժ և հատուկ միջոցներ»:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին