Արդեն տեղեկացրել ենք, որ Երևանի Էրեբունի վարչական շրջանում` Այվազովսկու փողոցում, քաղաքացիական հագուստով անձինք քացիներով ու մահակով ծեծի են ենթարկել անչափահաս ցուցարարներին:
Տեսանյութը հրապարակել էր ֆեյսբուքյան օգտատեր Անի Գևորգյանը. նա ավելի ուշ մեկ այլ տեսանյութ է հրապարակել, որում երևում է, որ ցուցարարներից մեկին քաղաքացիական հագուստով անձինք բռնի ուժով փորձում են նստեցնել մեքենան:
«Մոտ 40 րոպե անց անչափահաս ցուցարարների նկատմամբ եւս մեկ անգամ են բռնության գործադրում, նրանցից մեկին փորձում են մեքենան նստացնել: Ուշադրություն դարձրեք էս ու նախորդ վիդեոյի մեքենաների պետհամարանիշներին»,-գրել է Անի Գևորգյանը:
