Համացանցում տեսանյութ է հայտնվել, որտեղ մի խումբ երիտասարդներ նշում են,որ հադրութցիները Արցախի նախագահ Բակո Սահակյանից պահանջում են Մանվել Գրիգորյանին զրկել «Արցախի հերոս» կոչումից:
«Եթե ամբողջ հայության համար Մանվել Գրիգորյանի հետ կապված վերջին իրադարձությունները նորություն էին, կամ այլ կերպ ասած՝ բարոյահոգեբանական ցնցում, ապա հադրութեցիների մեծամասնության համար դա զարմանալի չէր, քանի որ Մանվել Գրիգորյանը իր մատական ուղու մեծ մասը անցել է Հադրութի շրջանում և Հադրութի բնակչության մեծ մասն առնչվել է Մանվել Գրիգորյանի և իր թիմակիցների «բեսպրիդելի» հետ»,-նշում են երիտասարդները:
«Մեր հասկացողությամբ՝ հերոսը պետք է օրինակելի լինի հասարակության համար, պետք է օրինակ լինի մատաղ սերնդի դաստիարակման գործընթացում: Մարտական սխրագործությունների համար կան պետական շքանշաններ, մեդալներ, այլ պարգևներ, չի կարելի մեկ հարթակի վրա դնել Մոնթե Մելքոնյանին և Մանվել Գրիգորյանին»,-նշում են երիտասարդներն ու ասում, որ հադրութցիները Արցախի նախագահ Բակո Սահակյանից պահանջում են Մանվել Գրիգորյանին զրկել «Արցախի հերոս» կոչումից:
