Asekose.am-ի տեղեկություններով, Երևան քաղաքի գլխավոր ճարտարապետ Տիգրան Բարսեղյանը և քաղաքապետարանի աշխատակազմի տեղեկատվության և հասարակայնության հետ կապերի վարչության պետ Արթուր Գևորգյանն ազատվել են աշխատանքից:
Սեպտեմբերի 23-ին նախատեսված ավագանու ընտրություններից հետո քաղաքապետարանի աշխատակազմի հիմնական պաշտոնյանների պաշտոնանկությունն ակնկալվում էր, սակայն նման հապճեպ որոշումների պատճառն առայժմ անհայտ է:
Քաղաքապետարանի կայքում տեղեկատվության և հասարակայնության հետ կապերի վարչության պետի անուն նշվում է Արա Մարտիրոսյան, ով, ըստ տեղեկությունների, մինչ այժմ Արթուր Գևորգյանի տեղակալն էր:
Ազատման որոշումները կայացրել է քաղաքապետի առաջին տեղակալ, քաղաքապետի պարտականությունները ժամանակավորապես կատարող Կամո Արեյանը: