Պաշտոնապես հայտարարում եմ՝ ոչ մի հուշարձան չի քանդվելու. դա վերաբերում է և՛ Արամի 26-ի շենքին, և՛ մյուսին.այս մասին այսօր մամուլի ասուլիսին հայտարարեց Երևանի գլխավոր ճարտարապետ Արթուր Մեսչյանը՝ պատասխանելով այն հարցին, թե ինչ են լինելու Արամի 26 փողոցում գտնվող «Փոքրիկ երգչների» և Թումանյան 26-ում գտնվող նշանավոր կառույցների ճակատագրերը:
«Ես կարծում եմ, որ կարվի շինարարություն, բայց տրամաբանական սահմանների մեջ հարյուր տոկոսով շինարարությունը կանգնեցնելու հնարավորություն իմ ձեռքում չկաԱնհրաժեշտության համար, ընդամենը, պետք է փոխվեն որոշակի նախագծային ուղղություններ, որպեսզի պահպանվեն բոլոր շենքերը: Ճարտարապետների հետ պայմանավորվել եմ այդ մասին: Պատմական հուշարձանների քանդման թեման եկեք համարենք սպառված: Քանի դեռ ես գլխավոր ճարտարապետ եմ, ոչ մի հուշարձան չի՛ քանդվելու»:
Արամի 23 հասցեում գտնվող շենքի վերաբերյալ Արթուր Մեսչյանն ասաց, որ այն ընդունել է այն իրավիճակում, որը կար: «Հողային աշխատանքներ են կատարվել, շենքը խաթարված վիճակում է, ժամանակավոր ամրացման տարբերակ ենք առաջարկել: Այն փրկվելի՞ք է, այո՛, վտանգավո՞ր է, այո՛: Եթե ես ասում եմ՝ այդ կառույցը չի քանդվելու, ուրեմն չի քանդվելու, մի հայկական բառ կա՝ հանգստացեք, չի քանդվելու»,-ասաց նա և կոչ արեց՝ երեխաները այնտեղ չգտնվեն: