Այսօր ՀՀ կառավարության նիստի ավարտից հետո ՊԵԿ նախագահը լրագրողների հետ զրույցում պարզաբանել է աղմկոտ այն նախագիծը, որը ստացել է «Խոպանչիների հարկման» նախագիծ անունը:
Այս մասին գրում է galatv.am-ը: Նա ասել է, որ 2019թ.-ին դրվելու է հանրային քննարկման: Շուտափույթ փոփոխությունների փաթեթ չկա և այս պահին օրակարգում չկա:
Բայց և այնպես ՊԵԿ նախագահն ասել է, որ այդ օրենքը ՀՀ-ն ունի, պարզապես չի գործում.
«Բոլոր քաղաքակիրթ երկրներում կա եկամուտների համատարած հայտարարման ինստիտուտ: Մենք ինքներս՝ որպես ՀՀ, մեր ստեղծման օրվանից քննարկում ենք՝ արդյո՞ք հնարավորություն ունենք համատարած եկամուտների դեկլարացիա ներդնելու: Առաջին անգամ ունենք այդպիսի հնարավորություն տեխնիկապես: Ոչ թե անձինք իրենք պետք է պատրաստեն այդ տարեկան դեկլարացիաները, այլ հարկային համակարգում առկա համակարգերը պետք է գեներացնեն այդ հաշվետվությունները, տանեն ներկայացնեն ֆիզիկական անձանց, որպեսզի իրենք նայեն՝ համաձայն են դրա հետ, թե չէ: Կարևորն այն է, որ խոսում ենք ստվերի մասին: Ստվերում եկամուտներ կան, որ պոտենցիալ հարկման ենթակա են, բայց չեն հայտարարագրվում: Մենք պետք է կայացնենք այդ ինստիտուտը: Մենք 27 տարի է դրա մասին մտածում ենք, անընդհատ հետաձգում ենք, որովհետև ասում են՝ երկիրը պատրաստ չէ դրան: Հիմա պատրաստ է»:
Ամբողջական նյութը՝ սկզբնաղբյուր կայքում
Կարդացեք նաև՝ «Խոպանից» եկամուտ ստացած քաղաքացիները պարտավոր են այն հայտարարագրել ու դրա 23 տոկոսը որպես եկամտային հարկ վճարել պետությանը
ՊԵԿ-ի պարզաբանումը՝ «խոպանչիներին» հարկելու նախագծի մասին
