Մի խումբ քաղաքացիներ փակել են Երևան-Էջմիածին մայրուղին՝ վերսկսելով բողոքի ակցիաները գեներալ Մանվել Գրիգորյանի ազատ արձակման դեմ:
Այս մասին ֆեյսբուքյան ուղիղ հեռարձակման միջոցով տեղեկացրել է կազմակերպիչներից Ջիվան Աբրահամյանը:
Հիշեցնենք, որ ՀՀ վերաքննիչ քրեական դատարանում հետաձգվել է Ազգային ժողովի նախկին պատգամավոր Մանվել Գրիգորյանի խափանման միջոցի հարցով վերաքննիչ բողոքը:
«Նիստը հետաձգվել է տեխնիկական պատճառներով, որոշ փաստաթղթերի տրամադրման անհրաժեշտություն կա: Տրամադրվել է ողջամիտ ժամկետ և նիստը կկայանա մեկ այլ օր»,- ասել է Գրիգորյանի պաշտպան Արսեն Մկրտչյանն, ում խոսքով` Մանվել Գրիգորյանը չի մասնակցել նիստին, քանի որ առողջությունը թույլ չէր տալիս:
«Եթե նրան հնարավորություն ընձեռվի և առողջությունը ների, նա կմասնակցի նիստերին»,- ասել է Արսեն Մկրտչյանը: