Հունվարի 16-ին հերթական անգամ տեղի է ունեցել Արարատի թիվ 1 դպրոցի տնօրենի համար հայտարարված մրցույթը, որի արդյունքում , սակայն, այս կրթական հաստատությունում կրկին տնօրեն չունեն:
Հեղափոխության օրերին ակտիվիստ մարդկանց զայրույթը շարժած կռվախնձոր դարձած դպրոցի տնօրենի համար մղվող պայքարում մութ կողմերը շատ են...
Դպրոցի կառավարման խորհրդի նախագահ Նազիկ Դիլանյանից պարզեցինք , որ խորհրդի անդամներից երկուսը արդեն որերորդ անգամ անհարգելի պատճառով ներկա չեն գտնվել նիստին , որի օրակարգում դրված էր գործադիր տնօրենի ընտրության հարցը:
Թեկնածուները երեքն էին ` Ղազարյան Նելլի , ով բազմավաստակ և հարգարժան մանկավարժ է, Խանոյան Հայկը և Մանուկյան Վահրամը , ով ,ըստ հավաստի աղբյուրների, մարզպետ Գարիկ Սարգսյանի հովանավորյալն է:
Այնուամենայնիվ, ընտրությունը չի կայացել , քանի որ թեկնածուներից որևէ մեկի համար անհրաժեշտ քվե չի ապահովվել (արդյունքը չորս և երկու ձայն , սակայն տնօրենի պաշտոնը անցողիկ համարվելու համար անհրաժեշտ է հինգ ձայն):
Այս դեպքում հնգօրյա ժամկետում տնօրեն կնշանակի փոխվարչապետ Տիգրան Ավինյանը , ով , ենթադվում է, հարցում կանի գործընկեր մարզպետից, թե ու՞մ անունի առաջ պետք է «պտիչկան» դրվի:
Ներկայումս մեծ հիասթափության ու բողոքի ալիք է բարձրացել Արարատ քաղաքում , որովհետև մարդիկ հասկանում են , որ իրենց արած հեղափոխության արդյունքում ակնհայտ պաշտոնների են տեղավորվում հին սկզբունքներով ու մեթոդներով:
Կից ներկայացնում ենք նաև արարատցի ակտիվիստներից մեկի գրառումը սոցիալական ցանցում:
Հեղինակ՝ Ա.Մաթևոսյան