Այսօր Հայոց բանակի օրվա կապակցությամբ ՀՀ և ԼՂՀ մի շարք պաշտոնյաներ այցելել են «Եռաբլուր» զինվորական պանթեոն: Լրագրողների հետ զրույցում ՀՀ պաշտպանության նախարար Դավիթ Տոնոյանը, այն հարցին՝ արդյո՞ ք Մարտի 1-ի հետ կապված քրեական գործերը հարված են հասցնում ԶՈՒ-ին, նշել է. «Իհարկե, ԶՈՒ տրամադրության վրա ազդում է, բայց հաղթահարում ենք՝ անելով ավելին»:
Հարցին՝ ապագայում ինչպիսի՞ բանակ ենք ցանկանում ունենալ, ասել է. «Պետք է ունենանք միջազգային բոլոր չափանիշներով բանակ ու ամեն ինչ անելու ենք, որ ժամկետային և պայմանագրային ծառայության փոխլրացնող համակարգը շարունակվի բարելավվել»:
Խոսելով որդու ծառայության մասին՝նախարարը նշել է.
«Երեկ էլ որդուս ծնունդն էր, օտպուսկ էր եկել, գնացել հետ: Ես աշխատում եմ ավելի շատ որպես ծնող իրեն լսել: Երեկ, օրինակ, շնորհավորելիս ասացի՝ պարոն կրտսեր սերժանտ, շնորհավորում եմ ձեզ, պատասխանեց՝ շնորհակալ եմ պարոն նախարար: Հիմա մեր մեջ այդպիսի հարաբերություններ են»: