ՀՀ Աշխատանքի և սոցիալական հարցերի նախարարության կից գործող Սոցիալական ապահովության պետական ծառայության պետի տեղակալ Արսեն Օհանյանի «աթեիստական» գրառումը կրկին կրքեր է բորբոքել:
Պաշտոնյան ծաղրանքով մեկնաբանություններ է գրել օգտատերերից մեկի տեղադրած Քրիստոսի նկարի տակ:
«Պարոն Փաշինյան, էս ո՞ւմ եք բերել առաջին պլան, էս ո՞ւմ եք պաշտոնի նշանակել: Ում ուզում են թող հավատան, բայց եթե չեն կարողանում զսպել իրենց ու նման բարբաջանքներ ու տափակ հումորներ են խզբզում համացանցում, ուրեմն նրանց շտապ պետք է հեռացնել առաջին պլանից»,-գրել է ֆեյսբուքյան օգտատերերից Աբգար Գևորգյանն այդ առիթով :
«Եվրոպահայերը՝ հանուն Հայաստանի զարգացման» ՀԿ նախագահ Արտակ Սերգոյանն էլ ֆեյսբուքյան ուղիղ միացման միջոցով իր մտահոգությունն է հայտնել, որ բազմաթիվ աթեիստներ, այդ թվում՝ պաշտոնյա, վիրավորում են քրիստոնյաներին ու նշել է «հասարական ուժեղ ճնշում կգործադրվի Ձեզ վրա, հոգևոր կենտրոնին վնասելու դեպքում՝ ժողովուրդը դուրս կգա փողոց ու կպահանջի Ձեր ու Ձեր նմանների հրաժարականը»:
