Վարչապետ Նիկոլ Փաշինյանը ԱԺ-ում ելույթի ընթացքում անդրադարձավ բիզնեսմեններին, և նշեց, որ Հայաստանում կա կարծրատիպ, որ կարող են բիզնեսով զբաղվել միայն հատուկ մարդիկ.«Ովքեր ունեն դաբռոներ, ախպոր ախպերներ, կիլլերներ, մաֆիոզ կապեր: Ամեն քաղաքացի չի կարող ՀԴՄ պահանջել,քաղաքացին ո՞վ ա, որ ՀԴՄ պահանջի: Եվ դուք ուզում եք ասեք, որ դե՞մ եք սուպերվարչապետությանը»:

Փաշինյանը խոսեց նաև իր աղմկահարույց հայտարարության մասին, թե աղքատությունը մարդկանց գլխում է.«Ոմանց լրատվամիջոցում վերնագիր է դառնում «Աղքատ ես ուրեմն մեղավոր ես»: Ես դա ասում եմ, որպես մի մարդ, որ այդ ճամփան ծայրից ծայր անցել է: Դա ասում է մի մարդ, ով, երբ ընդունվել է ԵՊՀ, իր ծնողներն ի վիճակի չեն եղել վճարել նրա ուսման վարձը: Դա ասում է մի մարդ, ով իր գլխի աղքատությունը հաղթահարել է»:

Փաշինյանն անդրադարձավ նաև Էդմոն Մարուքյանի ելույթին.«Եկել ասում են մի ժամանակ Սերժ Սարգսյանն էր մեղավոր, հիմա Նիկոլ Փաշինյանին,  առաջ Տեր-Պետրոսյանին ու Քոչարյանին: Հասկացա՞ք չէ, որ ոչ ոք մեղավոր չէ: Ես հիմա կարող եմ ասել պարզ չի՞, թե ինչում է մեղավոր Սերժ Սարգսյանը: Սերժ Սարգսյանը մեղավոր էր նրանում, որ ասում էր, որ ամեն մեկը չի կարա բիզնես ունենալ, ով կգա կտզզի, կմուծվի, նա էլ բիզնես կանի: Որ ախպերն ամեն տեղ 50 տոկոս փայ էր մտած՝ դրանում ա մեղավոր»,- և հավելեց, որ երբեք իրենց չդնեն նույն հարթության վրա.«Ձեզ ու իրանց  դրեք նույն հարթության վրա, որովհետև 2018-ին դուք էլի նույն բանն էիք ասում: Ի՞նչ կապ ունի Սերժ Սարգսյանը, մենք անձերի դեմ չենք պայքարում, արի գնանք փոխնախարարի պաշտոն ստանանք ու ներսից կամաց կառուցենք»:

Փաշինյանը հիշեց, որ ԼՀԿ-ն ասում էր, որ հեղափոխություն չի եղել.«Հլա դեմներդ նայեք, որ հեղափոխություն չի եղել, դուք 18 հոգով ի՞նչ գործ ունեք էստեղ»: Վերջինիս այս խոսքերը ծափահարություններով ողջունվեցին: «Ձեզ համար, իհարկե, հեղափոխություն չի եղել, քանի որ որտեղ ձեր քաղաքական բովանդակությունը առաջ էր ստեղծվում, հիմա էլ է ստեղծվում»:

Վարչապետը հիշեց, որ ԼՀԿ-ի հիմնարկի առաջ Հայաստանի, ԱՄՆ-ի և Եվրոմիության դրոշն է. «Եվ մեզ էլ խորհուրդ եք տալիս, որ արտաքին քաղաքականությունը պետք է հավասարակշռենք:  Բա Ռուսաստանի դրոշը ինչի՞ չեք կախել հավասարակշռության համար , էլ չեմ ասում Վատիկանի դրոշը»:

Հիշեցնենք, որ «Լուսավոր Հայաստան»-ը դեմ քվեարկեց Փաշինյանի կառավարության ծրագրին

Վարչապետի ամփոփիչ ելույթն ամբողջությամբ՝ ստորև