ՀՀ պաշտպանության նախարար Դավիթ Տոնոյանն այսօր «Եռաբլուր» պանթեոնում լրագրողների հետ զրույցում հերքել է, թե զինծառայողի մահվան որևէ դեպք կարող է թաքցվել նախարարության կողմից:
«Բոլոր դեպքերի վերաբերյալ տեղեկատվությունը կա այս կամ այն ձևաչափով: Չի կարող որևէ բան թաքցվել, քանի որ կա և դատախազության, և նախաքննության մարմինների վերահսկողությունը այդ գործընթացի նկատմամբ: Ուղղակի կան դեպքեր, որոնք անմիջապես հակառակորդի հետ են կապված, կան դեպքեր, որոնք ծառայության հետ են կապված: Զինծառայողների մահվան վերաբերյալ հայտարարվում է, անգամ, եթե դա բնական մահ է»,- ասել է նախարարը:
Հիշեցնենք, ավելի վաղ տեղեկություն էր հրապարակվել, որ 2019-ին գրանցված 4 զինծառայողի մահվան դեպքի մասին ՊՆ-ն ու ՊԲ-ն չեն հայտնել:
