Այսօր ԱԺ-ում Կառավարության կառուցվածքի փոփոխությունների մասին նախագծի քվեարկությունից առաջ ԲՀԿ-ական Գևորգ Պետրոսյանն անդրադարձավ «Իմ քայլ»-ի պատգամավոր Վահագն Հովակիմյանի ելույթին. «Ոնց որ յառմռկա եկած լինեք՝ կոստյում, տապատ, զուգագուլպա, անդրավարտիք, ծրագրից խոսեք, ի՞նչ եք եկել ստեղ շորերի անուններ տալիս, գիտենք, որ դուք էլ ունեք էդ շորերից: Դուք վերջին անգամ ե՞րբ եք ժողովրդի մեջ գտնվել: Հենց հիմա ես հեռախոսի համարով կարող եմ ասել, թե ում հետ եմ հանդիպել, ինչ խնդիր է բարձրացրել, իսկ դուք էստեղ գալիս եք խոսում եք «Ֆուլ հաուսի» դերասաններից»:
Այդ պահին տեղից պատգամավորներից մեկն արձագանքեց, ինչին Գեւորգ Պետրոսյանը հակադարձեց. «Ի՞նչ ա, դու հլա սուս մնա»:
Դահլիճում աղմուկ բարձրացավ, որովհետև տեղից բոլորը դժգոհություն էին արտահայտում:
«Ձեր չափը ճանաչեք, վերջին դեպքը լինի սա: Այլևս երբեք իրավունք չունեք մեր խմբակցության ղեկավարի հասցեին որևէ բառ ասելու: Մենք թույլ չենք տալու նման կերպ արտահայտվել: Սրանից հետո մեր խոսակցությունն այլ կերպ կլինի»,- շարունակեց ԲՀԿ-ական Սերգեյ Բագրատյանը՝ դիմելով Վահագն Հովակիմյանին:
Հիշեցնենք, որ ավելի վաղ Հովակիմյանն ասել էր. «Պարբերաբար փորձ է արվում կառավարության նոր սերնդի պաշտոնյաներին պիտակավորել, անվանել ոչ կոմպետենտ: Պետք է հիշողություն ունենալ ու հիշել, որ իրենց խմբակցության ղեկավարը, լինելով 16 տարվա պատգամավոր, առաջին անգամ այս ամբիոնից ելույթ է ունեցել այս տարվա հունվարին»:
Մանրամասները՝ տեսանյութում
Կարդացեք նաև՝ Տիկին Մանդիլյան, էհ...Թանդիլյան, համեցեք. Լենա Նազարյանը սխալ արտասանեց պատգամավորի ազգանունը
