ՌԴ նախագահ Վլադիմիր Պուտինի հետ հեշտությամբ շփվելու համար պարզապես պետք է լինել անկեղծ եւ ազնիվ: Նման խորհուրդ է տվել Ուկրաինայի նորընտիր նախագահ Վլադիմիր Զելենսկիին ՀՀ վարչապետ Նիկոլ Փաշինյանը՝ պատասխանելով «РБК»-ի հարցին:
«Ես չեմ կարծում, որ նրան դժվար կլինի։ Այստեղ կա պայման. եթե լինես ուղիղ, անկեղծ, առանց խարդախության, դժվար չի լինի։ Պարզապես պետք է ազնիվ եւ ուղիղ շփվել»,- ասել է նա։
Նիկոլ Փաշինյանի խոսքերով, այս խորհուրդը վերաբերում է ոչ միայն ՌԴ նախագահի հետ շփմանը, այլեւ մյուս բարձրաստիճան պաշտոնյաներին.
«Ես կարծում եմ, որ յուրաքանչյուր մարդ կգնահատի, եթե տեսնի, որ զրուցակիցը չի փորձում նրան խաբել ինչ-որ բանում, ինչ-որ բան չի նենգափոխում։ Սա շատ, շատ ճիշտ տարբերակ է բոլոր տեսակի հարաբերությունների համար։ Միգուցե, դիվանագիտության մեջ, միջազգային հարաբերություններում դա այդքան էլ ընդունված չէ, բայց ես բոլորի հետ այդպես եմ շփվում»,- ասել է Փաշինյանը։
