Մերժված ռեժիմի մնացուկներն անցել են սադրանքների: Սոցցանցային տիրույթում մանիպուլյացիաների ու կեղծ լուրերի միջոցով հաջողության չհասնելով՝ իրենց հոգեհարազատ ֆիզիկական բռնության մեթոդին են վերադարձել:
Այսօր հարձակման է ենթարկվել ՀԱԿ անդամ Վարդան Հարությունյանը, որը լուրջ կասկածներ ունի, որ ծեծի կազմակերպիչները Ռոբերտ Քոչարյանի եւ ՀՅԴ-ի հետ առնչվող անձինք են:
Հարությունյանը ֆեյսբուքյան իր էջում լուսանկար է հրապարակել, որտեղ երեւում են իր դեմ կիրառված բռնության հետքերը: Սա, ի դեպ, նրա վրա արդեն երկրորդ հարձակումն է. առաջին անգամ Վարդան Հարությունյանի վրա դիմակավորված անձինք հարձակվել են մայիսի 19-ին:
«Աշխատանքի վայրում էի, դուրս եկա, հետնադռնի մոտ մի քանի քայլ գնացի եւ առանց բառ խոսելու՝ մի քանի հոգով հարձակվեցին վրաս: Սրանից մի քանի օր առաջ էլ էր նույն դեպքը տեղի ունեցել մեր շենքի մոտ՝ հարձակվել էին ինձ վրա, դիմել էի ոստիկանություն եւ մինչեւ հիմա ոչ մի արձագանք չկա».- պատմել է Վարդան Հարությունյանը:
armtimes.com-ն է գրում և նշում, որ հարցին, թե ինչի՞ց է եզրակացրել, որ միջադեպը կապ ունի ՀՅԴ-ի հետ, Հարությունյանը պատասխանեց. «Դա միայն իրենց գործելաոճն է: Ես միշտ հրապարակային քննադատել եմ նրանց ու նաեւ Ռոբերտ Քոչարյանին: Քոչարյանին ազատ արձակելու օրն էլ Ազատության հրապարակում մասնակցել եմ նրան ազատ արձակելու դեմ իրականացված հանրահավաքին»:
