Ադեկվադ ՀԿ-ի անդամ Գրիգոր Մինասյանը ֆեյսբուքյան ուղիղ միացման միջոցով տարածել է կադրերը, թե ինչպես են ոստիկանները բերման ենթարկում Արթուր Դանիելյանին: Գրիգոր Մինասյանի խոսքով, Արթուր Դանիելյանին ձերբակալել են ՀՀ վարչապետ Նիկոլ Փաշինյանին մարմնական ծանր վնասվածք հասցնելու սպառնալիք հնչեցնելու համար:
Երեկ Արթուր Դանիելյանը Ադեկվադի ասուլիսի ժամանակ, ըստ համացանցում տարածված տեղեկությունների, բառացի ասել է՝ «Կարողա մի օր էլ մենք կոչ անենք, որ Նիկոլ Փաշինյանի գլուխը քարով ցխեն»։
Մանրամասներ՝ այդ թվում ոստիկանության պարզաբանումը կներկայացնենք ավելի ուշ:
