Արդեն հայտնել ենք, որ Վրաստանում այս պահին ընթանում են հակառուսական ցույցեր: Ցուցարարները պահանջում էին, որ մեկ ժամվա ընթացքում պաշտոնաթող լինեին Վրաստանի խորհրդարանի խոսնակ Իրակլի Կոբախիձեն, Ներքին գործերի նախարար Գիորգի Գախարիան և ՊԱԾ-ի ղեկավար Վախթանգ Գոմելաուրին: Ցուցարարները նաև պահանջում են արտահերթ խորհրդարանական ընտրություններ անցկացնել: Պահանջներից ոչ մեկը չի կատարվել:
Այս պահին ցուցարարները փորձում են ներխուժել խորհրդարանի շենք, տեղում են գտնվում ոստիկանական ուժերն ու հատուկջոկատայինները: Վերջիններիս եւ ցուցարարների միջեւ բախումներ են, ոստիկանությունը կիրառում է բիրտ ուժ, կան տուժածներ:
Վրաստանի երրորդ նախագահ Միխեիլ Սաակաշվիլին ոստիկաններին կոչ է անում անցնել ցուցարարների կողմը:
«Ես իմ ստեղծած ոստիկանությանը կոչ եմ անում չենթարկվել Իվանիշվիլիին և անցնել ցուցարարների կողմը»,- այս մասին ֆեյսբուքյան իր էջում գրել է Սաակաշվիլին: