Ֆեյսբուքյան օգտատերերերից մեկը տեսանյութ է ներկայացրել, թե ինչպես է Շառլ Ազնավուրի հրապարակում տեղադրվախ բեմից ռաբիզ երգիչը երգում ու,դիմելով Երևանի քաղաքապետարանին, գրել է՝ սա անթույլատրելի է Ազնավուրի հրապարակում։ Կարծում եմ երգացանկն էլ պետք է ստուգվի թույլատրություն տալուց առաջ։
Թերևս այս տեսանյութին արձագանքելով՝ Երևանի ավագանու անդամ Լիլիթ Պիպոյանը գրել է․
Ռաբիզը հաղթականորեն հնչում է Երևանի փողոցային համերգներում՝ կոկորդի վերին մաս գցած ելևէջներով, որոնք պետք է որ նշանակեն սիրային հույզի բարձրագույն աստիճան, բայց իրականում արտահայտում են վուլգար , ցածր ու պարզունակ զգացում և զգայություն։ Այն թելադրվում է լսողներին և պասիվորեն իրենց կողմից ընդունվում։ Լսողներն էլ ակամայից դառնում են այդպիսին, այսինքն ռաբիզ, այսինքն՝ պարզունակ, հասարակ ու կոպիտ։ Ձևավորվում է (կամ արդեն ձևավորվել է) համատարած, արդեն լեգիտիմ դարձած ազգային մտածողության տեսակ։
