Այսօր՝ հուլիսի 26-ին, հրավիրված ասուլիսի ժամանակ ՀՀ Անվտանգության խորհրդի քարտուղար Արմեն Գրիգորյանը հայտարարեց, որ Երևան-Ստեփանակերտ հարաբերություններն այս պահին գտնվում են շատ լավ վիճակում, որոշակի խնդիրներ եղել են, բայց այդ խնդիրներն արդեն անցյալում են: Իսկ որպես օրինակ՝ Արմեն Գրիգորյանը նշեց այն հանգամանքը, որ շատ շուտով Արցախում կմեկնարկեն Համահայկական խաղերը:
Բացի դրանից, քարտուղարը նաև նկատեց, որ հայկական երկու հանրապետությունների անվտանգության միջավայրը միասնական է.
«Հաշվի առնելով այդ միասնականության հանգամանքը՝ անհրաժեշտություն կա, որ համատեղ մտածենք այն բոլոր սպառնալիքների մասին, որոնք գոյություն ունեն, կարողանանք ֆիքսել դրանք և հասկանալ, թե ինչպես ենք կարողանալու քայլեր ձեռնարկել չեզոքացենու համար»,- ասաց Գրիգորյանը:
ԱԽ քարտուղարի մամուլի ասուլիսից որոշ հատվածներ՝ տեսանյութում։
