Արդեն տեղեկացրել ենք, որ ՀՀ վարչապետ Նիկոլ Փաշինյանն այսօր Ֆեյսբուքյան ուղիղ եթերի ժամանակ հայտարարեց, որ օգոստոսի 5-ին` ժամը 19.00-ին ելույթ կունենա Ստեփանակերտի Վերածննդի հրապարակում: «Սպասում եմ բոլորիդ Արցախում՝ Վերածննդի հրապարակում, որտեղ կունենամ ընդարձակ ելույթ մեր համազգային հարցերի, ինչպես նաև Արցախի և Հայաստանի վերաբերյալ»,-ասել է ՀՀ վարչապետը:
Նիկոլ Փաշինյանը նաև նշել է, որ արցախցիների աչքերի մեջ ուղիղ նայելով ունենալու է շատ կարևոր խոսակցություն։ Նշենք, որ Համահայկական յոթերորդ խաղերն անցկացվելու են օգոստոսի 5-ից 17-ը: Բացման հանդիսավոր արարողությունը տեղի է ունենալու Արցախի մայրաքաղաք Ստեփանակերտում:
Կարդացեք նաև՝ Օգոստոսի 5-ին ելույթ կունենամ Ստեփանակերտում․ Նիկոլ Փաշինյանն ուղիղ եթերում ասել է, թե ինչի՞ մասին է խոսելու