▲ Դեպի վեր

ՎԵՐՋԻՆ ԼՈւՐԵՐԸ

Լրագրողական հակամարտություն ազգին և հայրենիքին ծառայելու համար

Սամվել Ալեքսանյանի հարազատներն իրենց շեֆ են զգում.«Իրատես»

Միլլերը Սերժ Սարգսյանի հետ քննարկել է նաեւ Կարեն Կարապետյանի հեռանկարները.«Իրատես»

«Պադյեզդում» ծեծ ուտողներից մինչև շշով գլխին տվողներ, սրան-նրան քսմսվողներից մինչև «ջիգյարով» տղերք

Ձեր տաքուկ սենյակներում մեզ նման տղաների շնորհիվ եք նստած.Ինչո՞ւ Արցախյան պատերազմում վիրավորվածին հաշմանդամ չեն համարում



2017-02-06 14:57:13

ՀՀ զինված ուժերի պահեստազորի փոխգնդապետ Սամվել Մկրտչյանը վրդովված է՝ 1992 թվականի նոյեմբերին Լաչինում վիրավորվել և գանգուղեղային տրավմա է ստացել, իսկ այսօր նրան հաշմանդամ չեն համարում, որպեսզի գումար չտան.

«Ես 1992 թվականի նոյեմբերին Լաչինում վիրավորվել և գանգուղեղային տրավմա եմ ստացել, տեղափոխվել եմ Գորիսի հիվանդանոց: Դե, վիրավորվեցի, անցավ-գնաց, բայց տրավման չի անցնում, այն ժամանակի ընթացքում ավելի է խորանում: 2-3 տարին մեկ գնացել ու բուժվել եմ ՀՀ ՊՆ կենտրոնական կլինիկական զինվորական հոսպիտալում: Սրա համար քանի որ հաշմանդամության կարգ պետք է ձեռք բերվեր, վերցրեցի բոլոր փաստաթղթերս ու դիմեցի Շենգավիթի բժշկասոցիալական փորձաքննություն իրականացնող հանձնաժողովին: Այնտեղ ասացին, թե հոսպիտալի բուժումները բավարար չեն, պետք է քաղաքացիական հիվանդանոց էլ գնամ: Գնացի N2 հիվանդանոց, հաստատեցին, որ առողջական խնդիրներ ունեմ: Թղթերը տարա՝ հանձնաժողովը մերժեց: Սա 5 տարի առաջ էր: Երկրորդ անգամ այս տարի դիմեցի, կրկին մերժեցին: Այս ընթացքում Զեյթունի հիվանդանոցում համապատասխան բուժում էլ ստացա: Երբ 2-րդ անգամ էլ մերժեցին՝ ասացի՝ գիտե՞ք ինչ, այսօր դուք տաքուկ սենյակներում մեզ նման տղաների շնորհիվ է, որ նստած եք: Տղաների, որոնց պետությունը գումար է հատկացնում, իսկ դուք վաճառում եք այն մարդկանց, ովքեր պատերազմի հետ կապ չունեն, ռազմաճակատից կիլիոմետրերով հեռու են եղել: Ես այդ հանձնաժողովի անդամներին շատ պարզ ասացի՝ ես ձեզ կաշառք կյանքում չեմ տալու»,-Asekose.am-ի թղթակցի հետ զրույցում ասաց Սամվել Մկրտչյանը՝ հավելելով.

«Հանել, ցույց եմ տվել, թե ինչքան դեղեր եմ գնում ու բոլորն իմ հաշվին: Ախր, այդ կարգը պետք է լինի, որ գնամ բուժվեմ, ցավերս թեթևացնեմ: Գիշերը չեմ կարողանում քնել ականջների, գլխի ցավից: Անընդհատ ցնցումներ եմ ունենում: Այս ցավերով ապրիլյան պատերազմին եմ մասնակցել, բազում պատվոգրեր եմ ստացել, բայց դե, ի՞նչ...»: ՀՀ զինված ուժերի պահեստազորի փոխգնդապետը հույսը կորցրել է, գրեթե վսահ է՝ անգամ ՊՆ-ն ու Հայաստանի Հանրապետության սոցիալական ապահովության նախարարությունը ոչինչ չեն անի:

Նշենք, որ «Հայաստանի Հանրապետությունում հաշմանդամների սոցիալական պաշտպանության մասին» Հայաստանի Հանրապետության օրենքին համապատասխան, սահմանվում է անձին հաշմանդամ ճանաչելու կարգը, որն իրականացնում են բժշկասոցիալական փորձաքննության ոլորտում իրավասու պետական մարմինները` Հայաստանի Հանրապետության սոցիալական ապահովության նախարարության Հայաստանի Հանրապետության բժշկասոցիալական փորձաքննության գործակալության (այսուհետ` գործակալություն) տարածքային մարմինները (բժշկասոցիալական փորձաքննական հանձնաժողովները) և կառուցվածքային ստորաբաժանումը (փորձաքննական բաժինը):

Անձին հաշմանդամ ճանաչելն իրականացվում է բժշկասոցիալական փորձաքննությամբ` ելնելով ախտաբանական վիճակով պայմանավորված (հիվանդություն, խեղում կամ վնասվածք) օրգանիզմի ֆունկցիաների խանգարումից առաջացած կենսագործունեության սահմանափակման աստիճանից և սոցիալական պաշտպանության անհրաժեշտությունից: Անձը բժշկասոցիալական փորձաքննության է ենթարկվում իր հաշվառման կամ մշտական բնակության վայրն սպասարկող բժշկասոցիալական փորձաքննության ոլորտում իրավասու պետական մարմինների կողմից, համապատասխան մարմնի ղեկավարին ուղղված գրավոր դիմումով:

Անի Կարապետյան




Нравится






Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:


Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.