Իմ լավ բարեկամ, տնտեսագետ Արտակ Մանուկյանը, ուսումնասիրելով էլեկտրաէներգիայի սակագնի բարձրացման ՀԷՑ-ի հայտը, եկել է այն եզրակացության, որ այդ ընկերությունը միտումնավոր գնում է դեպի սնանկացում, ինչը նկատել է ՀՀ կառավարությունը, սակայն ոչինչ չի ձեռնարկել դրա դեմն առնելու համար: Որքան էլ զարմանալի թվա առաջին հայացքից, ես կողմ եմ ՀԷՑ-ի սնանկացմանը՝ ինչպիսի դրդապատճառներով էլ այն տեղի ունենա: Ասեմ՝ ինչու. դա միակ տարբերակն է ազատվելու ընկերության թալանչի ու ապաշնորհ սեփականատիրոջից և նրա նշանակած ղեկավարությունից: Ուրիշ հարց, որ նորը կարող է ավելի վատը լինել հնից, սակայն հայաստանցիների պայքարի շարունակման դեպքում կարող ենք ստիպել, որպեսզի նորը չկրկնի հնին:

Վախթանգ Սիրադեղյան