Երևանի անհատ տաքսու վարորդները վիրավորված են Կապի եւ տրանսորտի նախարար Գագիկ Բեգլարյանից:
Այս մասին գրում է A1 plus-ն ու մեջբերում է տաքսիստ Հուսիկ Մելքոնյանի խոսքն, ըստ որի. «Մենք մեր պահանջը ներկայացրել ենք Գագիկ Բեգլարյանին, ինքը մեզ ընդհանրպաես չի էլ ուզում լսի, ասում է դուք փափախչի եք, գռդոնչի։ Ես ձեր հետ խոսալու ոչ - մի բան չունեմ։ Նամակ ենք գրել նաև նախագահին, բայց ոչ - մի պատասխան չենք ստացել»:
Անհատ տաքսու վարորդներն այսօր կրկին փողոց են դուրս եկել՝ իրենց բողոքը արտահայտելով կառավարության որոշման դեմ. նրանք նշել են, որ չեն պատրաստվում իրենց անձնական օգտագործման մեքենաների սպիտակ համարանիշները փոխել դեղինով:
Վարորդները դիմել են բոլոր գերատեսչություններին, սակայն պատասխան այդպես էլ չեն ստացել:
