Ամերիկացի լրագրող Լինդսի Սնելի գրառումը՝ կից տեսանյութով․ «Հիքմեթ Հաջիևը դիվանագետներին տարել է մի հայկական վանք, որն անվանել է «աղվանական», ապա ցույց է տվել դատարկ էջերով մի հատոր՝ որպես «ապացույց» այն բանի, որ հայկական պատմությունը կեղծված է։ Դիվանագետները նայում էին ու քմծիծաղ տալիս։ Սա ոչ միայն ոչ դիվանագիտական է, այլև ամոթալի։ Ադրբեջանի պնդումները լայնորեն հերքվել են»։
|
Հավելենք, որ Արցախի զբոսաշրջության և մշակույթի զարգացման գործակալություն» հասարակական կազմակերպության նախագահ Սերգեյ Շահվերդյանն էլ բաց նամակ է հղել Հայաստանում գործող դիվանագիտական ներկայացուցիչներին, որում նշված է․ «Հարգելի՛ դիվանագիտական ներկայացուցչությունների ներկայացուցիչներ, Մի քանի օր առաջ Ադրբեջանում հավատարմագրված դիվանագիտական կորպուսի ներկայացուցիչներն այցելել են օկուպացված Արցախ։ Ստեփանակերտում նրանք այցելել են այսպես կոչված «Հաղթանակի զբոսայգի» և այնտեղ հուշանկար լուսանկարել։ Մինչ դիվանագետները լուսանկարվում են տեղահանված հայերի տների վայրերում, ադրբեջանական բանտերում շարունակում են մնալ հայ պատանդներ։ Սա պարզապես «Հաղթանակի զբոսայգի» չէ։ Սա մի վայր է, որտեղ հաղթանակ է նշվում այն մարդկանց նկատմամբ, որոնց զրկել են իրենց տներից, հայրենիքից և ազատությունից։ Այս վայրում ժամանակին կանգնած էր իմ տունը՝ Ստեփանակերտի բնակիչների հարյուրավոր տներից մեկը, որոնք 2023 թվականի սեպտեմբերին նրանց բնակիչների բռնի տեղահանումից հետո հողին են հավասարեցվել՝ ի հեճուկս միջազգային դատական ատյանների որոշումների և Եվրոպական խորհրդարանի բանաձևերի։ Հենց այդ պատճառով էլ դիմում եմ Հայաստանում գործող դիվանագիտական ներկայացուցչությունների՝ նրանց բաքվյան գործընկերներին. Դուք պետք է հասկանաք, թե հատկապես ինչն եք լեգիտիմացնում՝ մասնակցելով Ադրբեջանի իշխանությունների կողմից կազմակերպվող նման այցելություններին։ Այցելելով Ստեփանակերտ և լուսանկարվելով այսպես կոչված «Հաղթանակի զբոսայգում»՝ դուք չպետք է դառնաք քաղաքական և քարոզչական այն պատումի մաս, որտեղ հայ բնակչության վտարման հետևանքները ներկայացվում են որպես «հաղթանակ» և «ազատագրում»։ Այցելելով Գանձասար և Դադիվանք՝ դուք պետք է տեսնեք ոչ միայն հնագույն վանքերը, այլև այն, թե ինչ է կատարվում դրանց հայկական ինքնության և ժառանգության հետ։ Այցելելով Շուշի՝ դուք պետք է հիշեք քաղաքի հայկական մշակութային ժառանգության, այդ թվում՝ եկեղեցիների ոչնչացման, փոփոխման և ջնջման մասին։ Դուք պետք է հարցեր տաք։ Եթե այցելում եք Շուշի, պետք է հարցնեք՝ ի՞նչ եղավ քաղաքի հայկական եկեղեցիներին, թանգարաններին և մշակութային ժառանգությանը։ «Վերակառուցված Ղարաբաղի» գեղեցիկ լուսանկարների հետևում կանգնած են իրական մարդիկ, որոնք վտարվել են իրենց տներից։ Այդ թվում՝ ես։ Եվ քանի դեռ մենք խոսում ենք խաղաղության մասին, արդար խաղաղությունը չի կարող կառուցվել տեղահանվածների մոռացության, նրանց ժառանգության ջնջման և ադրբեջանական կալանքի տակ գտնվողների մասին լռության վրա։ Դուք պետք է հիշեք այս մասին հաջորդ անգամ, երբ Արցախում լուսանկարվեք։ |
|
«Լուսավոր Հայաստան» կուսակցության նախագահ Էդմոն Մարուքյանն էլ ֆեյսբուքյան էջում գրել է․ «Ադրբեջանում հավատարմագրված դիվանագիտական կորպուսի ներկայացուցիչները այսօր այցելել են Գանձասար և Դադիվանք։ Այցը մաս է կազմում սեպտեմբերի 11–12-ին կազմակերպված երկօրյա շրջայցի․ երեկ նրանց տարել էին նաև Ստեփանակերտ և Շուշի, իսկ այսօր՝ Մարտակերտի շրջան և Քարվաճառ։ Ադրբեջանի նախագահի աշխատակազմի արտաքին քաղաքականության հարցերի բաժնի ղեկավար Հիքմեթ Հաջիևը դիվանագետներին ներկայացրել է Գանձասարն ու Դադիվանքը՝ պնդելով, թե դրանք «հին Կովկասյան Աղվանքի» քրիստոնեական ժառանգության անբաժանելի մասն են։ |
