Լրագրող, հանրային գործիչ Նաիրի Հոխիկյանը ֆեյսբուքյան էջում գրել է․ «Բանակում կրկին հայ զինվոր է մահացել։ Գրեթե բոլոր մահերի դեպքում զինվորները եղել են առաջնագծում։
Ես սկսում եմ համոզվել, որ մեր զինվորները մահանում են ադրբեջանցիների կրակոցներից։
Ուղղակի Հայաստանի իշխանությունը թաքցնում է իրականությունը, որ Ադրբեջանի հետ կեղծ խաղաղության հեքիաթին հավատան մարդիկ»։

Կարդացեք նաև՝ լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանը բանակում ծառայող զինվորների ծնողներին ասում է՝ անհոգ եղեք, խաղաղություն է։ Մինչ սահմանին տևական ժամանակ հրադադար է, զինվորները զոհվում, մահանում են խաղաղ պայմաններում։ ՊՆ հայտնել է, որ հոկտեմբերի 10-ին հայտնաբերվել է ՊՆ N զորամասի զինծառայող Ա. Ղ.-ի դին՝ հրազենային վնասվածքով: Բանակում գոյություն ունեն հիմնահարցեր, որոնք պահանջում են համակարգային լուծում։ Պաշտպանության նախարար Սուրեն Պապիկյանը և գլխավոր շտաբի պետ Էդվարդ Ասրյանը ունակ չեն այդ մեծ խնդիրներին առերեսվել, խնդիրները հաշվառել, դրանց լուծման համար միջոցառումների պլան մշակել և իրականացնել։ Նրանք միայն իրենց գովաբանող քարոզչական ռիլեր են պատվիրում, տարածում համացանցում»։