Տարբեր կատարողական վարույթներով արգելադրված և վերադարձման ենթակա գումարները հանցավոր մեխանիզմի գործադրմամբ հափշտակելու, առանձնապես խոշոր չափերով կաշառք ստանալու, կաշառք տալու, հանցավոր ճանապարհով ստացված գույքերն օրինականացնելու և այլ ենթադրյալ հանցանքներ կատարելու համար հանրային քրեական հետապնդումներ են հարուցվել մի շարք անձանց, այդ թվում՝ Հարկադիր կատարումն ապահովող ծառայության նախկին պաշտոնյաների և ՀՀ փաստաբանների պալատի անդամի (փաստաբանի) նկատմամբ: Վերջիններս ձերբակալվել են:
Հայտնում են Հակակոռուպցիոն կոմիտեից։
Այս առիթով «Հրապարակ»-ը գրում է, չի կարողացել պարզել, թե որ պաշտոնյաներին է մեղադրանք առաջադրվել, սակայն կայքի տեղեկություններով՝ փաստաբանը, որի մասին հայտնում են կոմիտեից, Էդգար Հակոբյանն է։
