Շամշյան.com-ը գրում է, որ կայքի տեղեկություններով՝ սեպտեմբերի 23-ին Երևանի «Արմենիա» բժշկական կենտրոնում մահացել է Կոտայքի մարզի բնակիչ 26-ամյա Անի Հ.-ն։
Ինչպես հայտնում է ֆոտոլրագրող Գագիկ Շամշյանը, վերջինը նշված բժշկական կենտրոն էր տեղափոխվել օգոստոսի 3-ին Դավթաշենում հայտնի՝ ԱԺ նախկին պատգամավոր, «Ծաղիկ Ռուբո» մականվամբ Ռուբեն Գևորգյանին պատկանող՝ Դավիթաշենում գործող Reebok Sports Club Armenia կենտրոնի, ով նույն օրը նշված կենտորնում անզգուշաբար ընկել էր լողավազանի մեջ։

Դեպքի փաստով ՀՀ Քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնում նախաձեռնվել է քրեական վարույթ։

Ինչպես ավելի վաղ հայտնել էինք, օգոստոսի 3-ին արտակարգ դեպք էր տեղի ունեցել Երևանում։ Ժամը 22:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Դավթաշենի բաժնում հերթական օպերատիվ տեղեկություններն էին ստացվել, որ Երևանի 1-03 շտապօգնության թիվ 25 բժիշկների հերթապահ խումբը Դավիթաշենում հայտնի «Reebok Sports Club Armenia» կենտրոնից «Արմենիա» բժշկական կենտրոն էր տեղափոխել մի քաղաքացու։

Հիվանդանոց էր ժամանել ոստիկանության Դավթաշենի բաժնի օպերատիվ խումբը՝ բաժնի պետ Զորիկ Ավդիշոևի գլխավորությամբ։

Տեղում բժիշկները ոստիկաներին հայտնել էին, որ տեղափոխվածը մոտ 20-25 տարեկան աղջիկ էր, ով գտնվում էր վերակենդանացման բաժանմունքում և ի վիճակի չէր կատարվածի մասին բացատրություն տալու։

Դավիթաշենի ոստիկաները պարզել էին, որ  նա հիվանդանոց էր տեղափոխվել ԱԺ նախկին պատգամավոր, «Ծաղիկ Ռուբո» մականվամբ Ռուբեն Գևորգյանին պատկանող՝ Դավիթաշենում գործող Reebok Sports Club Armenia կենտրոնի լողավազանից։

Դավթաշենի բաժնի պետ Զ. Ավդիշոևի հանձնարարականով բաժնի պետի տեղակալ Մխիթար Խաչատրյանն արդեն համայնքային ոստիկանների հետ անհրաժեշտ աշխատանքներ էին իրականացնում՝ պարզելու նրա ինքնությունը։