Թարմացում-Ռոմանոս Պետրոսյանը ակնարկում է, որ երեկ Երևանի ենթակայանում տեղի ունեցած հրդեհը կարող էր կապված լինել հնացած տրանսֆորմատորի հետ։
Նա հիշեցրել է, որ ՔԿ–ն գործ է հարուցել և հրապարակել մի լուսանկար, որտեղ պատկերված սարքը 1969թ–ի արտադրության է։
Ժամանակավոր կառավարիչը նշել է, թե ՀԷՑ-ի «Ծիծեռնակաբերդ» 110/6 կՎ ենթակայանում տեղի ունեցած հրդեհի փաստով իրականացվում է նաև անկախ համալիր փորձաքննություն։ ՀԷՑ-ի անվտանգության և վերահսկողության տնօրենությունում, զուգահեռաբար նաև տեխնիկական տնօրենությունում միաժամանակ տեղի են ունենում երկու ծառայողական քննություններ։
|
Թարմացում-Էլեկտրակայանի հրդեհի հետևանքով շուրջ 5000 բաժանորդ այժմ հոսանքազրկված է: Ըստ «ՀԷՑ» ՓԲԸ ժամանակավոր կառավարիչ Ռոմանոս Պետրոսյանի, ով գտնվում է հրդեհի վայրում, նրանց հոսանքամատակարարումը ժամերի ընթացքում կվերականգնվի: Հրդեհի օջախն այս պահին նվազել է: |
Թարմացում-ՀԷՑ-ը հաղորդում է ներկայացրել հանցագործության մասին «Ծիծեռնակաբերդ» 110/6 ենթակայանում բռնկված հրդեհի առիթով։ Հրդեհը դեռևս չի հաջողվում մարել։
|
Այս պահին խոշոր հրդեհ է մոլեգնում Ծիծեռնակաբերդի խճուղու հարևանությամբ: Դեպքի վայրից ականտեսներից մեկն ուղիղ եթերով տեղեկացրեց, որ ըստ տարածված լուրերի` այրվում է ՀԷՑ-ի ենթակայան: Դեպքի վայրում է հրդեհաշիջման 4 մարտական հաշվարկ, բայց նրանք չեն կարողանում կրակի տարածումը կանխել: Տեսանյութը՝ Հովհաննես Գրիգորյանի ֆեյսբուքյան էջից |
|
|
Սեպտեմբերի 27-ին՝ ժամը 17։07-ին, ՆԳՆ 112 օպերատիվ կառավարման կենտրոն ահազանգ է ստացվել, որ Երևան քաղաքի Ծիծեռնակաբերդի խճուղում այրվում է էլեկտրական ենթակայան։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, Երևան քաղաքի փրկարարական վարչության Հրդեհաշիջման և փրկարարական աշխատանքների կազմակերպման բաժնի հերթապահ խումբը և մեկ ավտոսանդուղք։ Հրշեջ-փրկարարներն իրականացնում են հրդեհաշիջման աշխատանքներ և միջոցներ ձեռնարկում կրակի տարածումը կանխելու ուղղությամբ։ ***
|
