Ադրբեջանի ֆուտբոլի երիտասարդական հավաքականի կիսապաշտպան Ռենատ Դադաշովը ստիպված է եղել բացատրություն տալ «լայք»-ի համար, որ նա դրել է Հայաստանի վարչապետ Նիկոլ Փաշինյանի լուսանկարին:
Լուսանկարը Instagram-ում տեղադրել է գերմանաբնակ հայ ռեփեր Լեվոն:
Ավելի ուշ Դադաշովը հեռացրել է իր «լայք»-ը ու նման գրառում կատարել.
«Միանգամից ասեմ, որ ես Լեվոյի հետ նույն դպրոցում եմ սովորել ու երբ նա տեղադրել է լուսանկարը, չեմ էլ հասկացել՝ ինչպես արեցի և ինչպես ստացվեց այդ «լայք»-ը: Մեր դպրոցը ինտերնացիոնալ էր, ունեիքն ընդհանուր ընկերներ, Գերմանիայում մենք այլ կերպ ենք մեծացել՝ չբաժանելով իրար ազգությամբ:
Այդ լուսանկարը մայիսին է տեղադրվել ու միայն այսօր եմ տեսել, որ «լայք» եմ դրել դրան… Պատահական է եղել և պետք չէր, որ այդպես անեի: Գիտեմ հակամարտության մասին և ամեն ինչ լավ հասկանում եմ»:
Հարցին, թե մտավախություն չունի, որ իր այդ քայլը կարող է խանգարել ազգային հավաքականում առաջընթացին, ֆուտբոլիստը ասել է, որ շատ ափսոսում է կատարվածի համար:
«Կրկնում եմ, որ պատահական եմ «լայք» դրել այդ լուսանկարին, ինչի համար խիստ ափսոսում են: Բոլորը գիտեն, որ ես այդ մարդը չեմ, ես ադրբեջանցի եմ և հպարտ եմ դրանով»,-ասել է ֆուտբոլիստը: