«ՄԱԿ Գլխավոր Ասամբլեայի երրորդ կոմիտեյում ադրբեջանական պատվիրակությունը կոչ է արել ԱՄՆ-ին համագործակցել մարդու իրավունքների պաշտպանությամբ զբաղվող միջազգային կառույցների հետ և դադարեցնել ոստիկանության կողմից աֆրոամերիկացիների սպանությունները։
ԱՄՆ-ն իր հերթին Ադրբեջանից պահանջել էր ազատել քաղբանտարկյալներին և հետևել Վենետիկի հանձնաժողովի հորդորներին սահմանադրական բարեփոխումների իրականացման ճանապարհին։
Սիրտս վկայում է, որ Ալիևի ռեժիմի դեմ պատժամիջոցների օրինագիծը մոտ ժամանակներս Կոնգրեսում կրկին կքննարկվի»: Այս մասին ֆեյսբուքյան իր էջում գրել է ԱՄՆ Թաֆթսի համալսարանի Ֆլետչերի իրավունքի և դիվանագիտության դպրոցի միջազգային իրավունքի մագիստրոս, նույն համալսարանի գիտաշխատող Սուրեն Սարգսյանը: