▲ Դեպի վեր

lang.iso lang.iso lang.iso

Ադրբեջանի հանրային հեռուստատեսությունը Փաշինյանին փառաբանող հաղորդում է թողարկել

 

Լրագրող Նարինե Կիրակոսյանը գրում է. «Ադրբեջանի հանրային հեռուստատեսությունը ՀՀ վարչապետ նիկոլ փաշինյանին փառաբանող հաղորդում է մի քիչ առաջ թողարկել»։

«Halbuki» (թարգմանաբար՝ «Մինչդեռ») հաղորդման մեկնաբան Օրխան Ֆիքրեթօղլուն կարծիք է հայտնել, որ վարչապետ Նիկոլ Փաշինյանը Հայաստանի առաջնորդներից ամենաադեկվատն է, իսկ քաղաքական տեսանկյունից՝ ամենաազատը։

Ներկայացնելով Ազգային ժողովում ՀՀ վարչապետի ելույթի կարևոր դրույթները՝ Ֆիքրեթօղլուն նշել է, որ ըստ Փաշինյանի՝ եթե Հայաստանը Շուշին չհանձներ, ադրբեջանցիները մինչև Երևան կհասնեին, իսկ զոհերից կարելի էր խուսափել, եթե ժամանակին հանձնվեին հողերը։

Հեռուստամեկնաբանի կարծիքով՝ փաստացի, Հայաստանի իշխանություններն ընդունում են, որ պատերազմը սխալ էր, և պատերազմից կարելի էր խուսափել առանց զոհերի՝ հավելելով, որ ղարաբաղյան երկու պատերազմ է եղել, երկուսն էլ անիմաստ զոհերով, հետևապես, հայերը 1994 թվականին չպետք է գրավեին Շուշին ու Ղարաբաղը։ Ֆիքրեթօղլուի կարծիքով՝ Ղարաբաղում որևէ հանրաքվե չի անցկացվելու, քանի որ այդպես որոշել է Ադրբեջանը։ Լրագրողի պարզաբանմամբ՝ եթե կողմերը միմյանց հետ ժամանակին լեզու գտնեին, իսկ ադրբեջանցիները Ղարաբաղի ժողովրդի հետ համակեցությամբ 50-100 տարի խաղաղ գոյակցեին նախկինի պես, հետագայում կմտածեին դրա շուրջ և ժամանակը ցույց կտար, թե ինչպես կզարգանան իրադարձությունները։

«Հայերն ասում են, թե Շուշին հանձնել են, ո՛չ, մենք գրավել ենք այն։ Նրանք մեղադրում էին մեզ, որ մենք չենք ցանկացել բանակցել՝ կանգնեցնելու պատերազմը, մինչդեռ այդ հողերի համար մեր տղաներն էլ են զոհվել։ Եկեք իրար չխաբենք․ մեր տղաները կռվել և արյուն են թափել իրենց հողի համար։ Փաշինյանն ասում է՝ մենք սուվերեն պետություն ենք, պետք է հարգեք մեր ինքնիշխանությունը, իսկ մենք պետություն ենք, քաղաքացի, իշխանություն, և տեր ենք այն ամենին, ինչը մեզ է պատկանում», - եզրափակել է իր խոսքը Ֆիքրեթօղլուն։

Asekose.am-ի նյութերի հետ կապված Ձեր տեսակետը, պարզաբանումը կամ հերքումը կարող եք ուղարկել info@asekose.am-ին․ այն անմիջապես կզետեղվի կայքում
Հասարակություն ավելին