«ՎԵՏՕ» շարժման աղջիկներն ակցիա են իրականացրել Ազգային ժողովի մոտ: Նրանք «Օմեգայի» նշաններ են փակցրել ԱԺ դարպասներին, որը խորհրդանշում է ԱԺ նախագահ Արարատ Միրզոյանի «ծածկանունը»:
Այն պահին, երբ աղջիկները փակցնում էին նշանները, նրանց են մոտեցել ոստիկաններն ու հայտարարել են, որ պետք է դադարեցնել գործողությունները:
Ակցիայի մասնակիցները փորձել են հասկանալ, թե ինչու՞ չի կարելի, ի՞նչ կարգ է խախտվում:
Ոստիկանության աշխատակիցը նշել է, որ որևէ բան փակցնելու համար կան հատուկ տեղեր, իսկ ԱԺ դարպասներին չի կարելի նման բան անել:
Ոստիկանները նաև չեն ասել, թե ինչ կարծիք ունեն այն մասին, որ Արարատ Միրզոյանը հանդիսացել է երկակի գործակալ: