Անցյալ տարի Գլենդելում 360 կգ մարիխուանա տեղափոխելիս ձերբակալված Աշոտ Գրիգորյանն իրեն մեղավոր է ճանաչել: Այս մասին հայտնում է Springfield News-Leader-ը: Ոստիկանները 2015 թվականի հունվարին մարիխուանա են հայտնաբերել նրա սառնարան-մեքենայի թափքում: 58-ամյա Աշոտն իրեն մեղավոր է ճանաչել տարածման նպատակով թմրանյութ պահելու համար:
Գրիգորյանը 7 տարվա ազատազրկման է դատապարտվել:
Բանտում 120 օր անցկացնելուց հետո դատավորը որոշում կկայացնի, թե կարելի է արդյոք Գրիգորյանին ազատել` դատապարտելով 5-ամյա պայմանական ժամկետի: Այս դեպքում, սակայն, մեղադրյալ պետք է 4 000 դոլար տուգանք վճարի, քանի որ հենց այդ գումարն է ստացել Կալիֆորնիայից Նյու Յորք մարիխուանա տեղափոխելու համար: